आईपीओ निष्कासन प्रक्रियामा रहेको मिड सोलु हाइड्रोपावरको दोस्रो वार्षिक साधारण सभा असोज १७ मा

अभियान संवाददाता

काठमाडौं । भदौ २२ गते देखि सर्वसाधारणमा आईपीओ निष्कासन गर्न लागेको मिड सोलु हाइड्रोपावर लिमिटेडले दोस्रो वार्षिक साधारण सभा असोज १७ गते बोलाएको छ । सभा कम्पनीको रिजष्र्टड कार्यालय मध्य बानेश्वरमा बिहान ११ बजे शुरु हुने जानकारी दिएको छ । 

सभाले २०७९ / ८० को वार्षिक प्रतिवेदन छलफल गरी पारित गर्नुका साथै २०८० /८१ को लागि लेखापरिक्षकको नियुक्त तथा निजको पारिश्रमिक निर्धारण गर्ने प्रस्ताव पारित गर्नेछ । 
त्यस्तै सभाले सञ्चालक समितिको रित्त पद पदपूर्ती गर्ने र कम्पनीको नियमावलीको नियम २० तीन महले बमोजिम संशोधन गर्ने विशेष प्रस्ताव पारित गर्नेछ । 

कम्पनीले भदौ २८ गते देखि सर्वसाधारणमा ६ लाख २१ हजार १७२ कित्ता आईपीओ निष्कासन गर्न लागेको हो । उक्त आईपीओमा असोज १ गते आवेदन दिन सकिनेछ । 

सूचना हेर्न यहाँ क्लिक गर्नुहोस 

प्रतिक्रिया [0]