‘सुजुकी पर्वोत्सव अफर’  नाडा अटो शोमा थप छूट योजना 

अभियान संवाददाता

काठमाडौं। नेपालका लागि सुजुकी कारको आधिकारिक विक्रेता तथा सीजी होल्डिङको अटोमोटिभ डिभिजन सीजी मोटोकर्पले दशैं, तिहार ग्राहक योजना ‘सुजुकी पर्वोत्सव अफर’ सार्वजनिक गरेको छ । यो योजनाअन्तर्गत ग्राहकले १ लाख रुपैयाँसम्मको नगद छूट, एक वर्षको सवारी बीमा र १ लाख रुपैयाँसम्मको एक्सचेञ्ज बोनस पाउने कम्पनीको भनाइ छ । कम्पनीले नाडा अटो शोलाई लक्षित गरी शो अवधिभर स्क्य्राच कार्डमार्फत थप १ लाख रुपैयाँसम्मको छूट प्रदान गर्ने बताएको छ ।

यो योजना सुजुकी गाडीका ३५ओटै शोरूममा लागू हुनेछ । सुजुकीका विभिन्न मोडेलका कार बमोजिम फरक फरक छूट सुविधा रहने बताइएको छ । नाडा अटो शोमा सुजुकीका नयाँ एसयूभी जिम्नी, फ्रोन्क्सका साथै सुजुकीका थप एसयूभी ग्रान्ड भितारा र नयाँ ब्रेजा प्रदर्शनीमा रहेको कम्पनीले जानकारी दिएको छ । 

प्रतिक्रिया [0]