वुलिङ एयर किन्न प्रभु बैंकमा ८० प्रतिशतसम्म कर्जा 

अभियान संवाददाता

काठमाडौं। विद्युतीय कार (ईभी) ‘वुलिङ एयर’ किन्न प्रभु बैंकले कर्जा दिने भएको छ । नेपालका लागि वुलिङ एयर ईभीको विक्रेता बज्र ग्रुपअन्तर्गतको ‘ईभी नेपाल मोटर्स’ले ग्राहकलाई सुविधा उपलब्ध गराउन प्रभु बैंकसँग सहकार्यको सम्झौता गरेको हो ।

यससम्बन्धी सम्झौतामा मोटर्सका सहायक महाप्रबन्धक नवराज कोइराला र बैंकका चिफ बिजनेश अफिसर रेणुप्रसाद पाण्डेले हस्ताक्षर गरेका छन् । वुलिङ एयर ईभी किन्न चाहने ग्राहकलाई बैंकले गाडीको मूल्यको ८० प्रतिशतसम्म कर्जा उपलब्ध गराउने सम्झौतामा उल्लेख छ । २०० र ३०० किलोमिटर रेञ्ज दिने दुई भेरिएन्टमा वुलिङ एयर ईभी उपलब्ध रहेको बताइएको छ । यसको मूल्य क्रमश: २० लाख ९९ हजार र ३० लाख ९९ हजार रुपैयाँ रहेको कम्पनीको भनाइ छ । वुलिङ एयर ईभी फोर सिटर र थ्री डोर ह्याचब्याक हो । अत्याधुनिक उपकरण प्रयोग गरिएको र उकालो तथा ओरालो जस्तोसुकै कठिन सडकमा पनि यसलाई चलाउन सकिने कम्पनीको दाबी छ । 

प्रतिक्रिया [0]