१० वर्षअघिको आर्थिक अभियानबाट: बल्ल क्यासिनो नियमावली बनाउन पहल

स्पष्ट कानून तथा नियमावलीविना नै लामो समयदेखि सञ्चालन भइरहेको क्यासिनोलाई नियमन गर्न सरकार लागेको छ । अहिलेसम्म क्यासिनो सञ्चालनसम्बन्धी अनुमति मन्त्रिपरिषद्को बैठक तथा प्रशासनिक निर्णयबाट दिने गरिएको पर्यटन तथा नागरिक उड्डयन मन्त्रालयका सहसचिव एवं प्रवक्ता लक्ष्मण भट्टराईले बताए । ‘सरकार नियमावलीको ड्राफ्ट तयारीमा जुटिसकेको छ,’ उनले भने । क्यासिनो सञ्चालनमा देखिएको अस्वस्थ प्रतिस्पर्धा रोक्न र सो व्यवसायलाई कानूनको दायराभित्र ल्याउन नियमावलीको आवश्यकता परेको भट्टराईले बताए । बाह्य पर्यटकलाई स्वच्छ मनोरञ्जन दिन खोलिएको भनिए पनि स्पष्ट कानून र नियमावलीको अभावमा गैरकानूनी रूपमा नेपालीलाई प्रवेश दिने क्यासिनो सञ्चालकलाई समेत सरकारले कारबाही गर्न सकेको छैन । यस्ता क्यासिनोले सरकारलाई तिर्नुपर्ने राजस्व पनि कतिपयले छलिरहेका छन् भने सरकारले पाँचतारे होटल परिसरमा मात्र क्यासिनो सञ्चालन गर्न पाउने भने पनि ‘गेमिड क्लब’का नाममा तीनतारे र चारतारे होटलमा समेत ‘मिनी क्यासिनो’ सञ्चालनमा रहेको छ । 

वर्ष ६, अंक ६८ सोमवार, १३ मंसिर, २०६७

प्रतिक्रिया [0]