नाडा अटो शोमा टाटाका तीन गाडी सार्वजनिक

अभियान संवाददाता

काठमाडौं। नेपालका लागि टाटा मोटर्सको आधिकारिक विक्रेता सिप्रदी ट्रेडिङले नाडा अटो शोमा एकै पटक तीन गाडी सार्वजनिक गरेको छ । कम्पनीले शोलाई लक्षित गरी टाटा टियागो इभी, टाटा नेक्सन इभी एक्स जेट प्लस र टाटा पन्च सार्वजनिक गरेको हो ।

अत्याधुनिक जिपट्रन प्रविधियुक्त टियागो इभीमा कार्य कुशलता, प्रविधि, विश्वास, चार्जिङ र आरामदायी रहेको कम्पनीको भनाइ छ । त्यस्तै क्रुज कन्ट्रोलसहित टियागो इभीमा अत्याधुनिक टेलिम्याटिक्स, कन्ट्र्यास्ट रूफ, पूर्ण स्वचालित क्लाइमेट कन्ट्रोल, प्रोजेक्टर अटो हेडल्याम्पलगायत विशेषता रहेको बताइएको छ ।

टियागो इभीको शुरुआती मूल्य २१ लाख ९९ हजार रुपैयाँ तोकिएको छ । नेक्सन इभी म्याक्स एक्स जेड प्लसको शुरुआती मूल्य ४५ लाख ९९ हजार रुपैयाँ छ । त्यस्तै टाटाको ‘न्यु फरेभ’ रेञ्ज अन्तर्गतको टाटा पन्चको चार आधारस्तम्भ आकर्षक डिजाइन, विशेष कार्यक्षमता, फराकिलो इन्टेरिएर र पूर्ण सुरक्षा रहेको कम्पनीको भनाइ छ । यसको शुरुआती मूल्य ३३ लाख ९९ हजार रुपैयाँ रहेको बताइएको छ । 

प्रतिक्रिया [0]