आईपीओ निष्कासन प्रस्ताव पारित गर्न एकर्ड फर्मास्युटिकल्सले बोलायो असोज २१ मा साधारण सभा

अभियान संवाददाता

काठमाडौं । आईपीओ निष्कासन प्रस्ताव पारीत गर्न एकर्ड फर्मास्युटिकल्सले तेस्रो वार्षिक साधारण सभा आह्वान गरेको छ । कम्पनीको सञ्चालक समितिको भदौ २८ गते बसेको बैठकले असोज २१ गते साधारण सभा बोलाएको हो ।
साधारण सभा बसेरा बुटिक होटल बबरमहल काठमाडौंमा दिउँसो १ बजे शुरु हुने कम्पनीले जानकारी दिएको छ । 
कम्पनीको सभाले सर्वसाधारणका लागि यसअघिकै साधारसभाबाट छुट्याइएको शेयरमा पूँजी वृद्धिका कारण हुन गएको संशोधनलाई अनुमोदन गर्नेछ । यस्तै, पूँजी वृद्धिपश्चात् कम्पनीको प्रबन्धपत्र तथा नियमावली संशोधनका लागि सञ्चालक समितिलाई अख्तियारी प्रदान गर्नेछ ।
कम्पनीको सभाले आर्थिक वर्ष २०७९÷८० को सञ्चालक समितिको वार्षिक प्रतिवेदन र लेखापरीक्षको प्रतिवेदन पारित गर्नेछ । यस्तै, आर्थिक वर्ष २०८०÷८१ को लागि लेखापरीक्षकको नियुक्ति र पारिश्रमीक निर्धारण गर्नेछ ।

कम्पनीले आईपीओ निष्कासनको अनुमति माग्दै नेपाल धितोपत्र बोर्डमा आवेदन पेश गरेको छ । कम्पनीले जारी पूँजीको १२ प्रतिशत अर्थात् ७ करोड ६ लाख ९० हजार ९ सय रुपैयाँ बराबरको आईपीओ निष्काुन गर्नेछ ।
कम्पनीको आईपीओ निष्कासन तथा बिक्री प्रबन्धकमा ग्लोबल आइएमई क्यापिटल रहेको छ ।
एकर्ड फर्मास्युटिकल्स औषधि उत्पादन गर्ने उद्योगका रुपमा सन् २०१३ मा दर्ता भएको कम्पनी हो । कम्पनीले काठमाण्डौ उपत्यकामा ठूलो लगानी तथा अत्याधुनीक उपकरणसहित बृहत् उद्योग सञ्चालनमा ल्याएको छ । 
 

प्रतिक्रिया [0]