धरान खानेपानीको बिल भुक्तानी आइएमई पेबाट

अभियान संवाददाता

काठमाडौं। डिजिटल वालेट आइएमई पेमार्फत धरान खानेपानी बोर्डको बिल भुक्तानी गर्न सकिने भएको छ । धरान उपमहानगरपालिकामा खानेपानीको बिल भुक्तानी डिजिटल माध्यमबाट गर्न आइएमई पेले यही भदौदेखि यो सुविधा सञ्चालनमा ल्याएको हो । साथै, कम्पनीको ‘किन लाइन बस्ने, मोबाइल बाटै तिर्ने’ अफरमार्फत पेका सेवाग्राहीले खानेपानीको बिल भुक्तानी गर्ने क्रममा प्रोमो कोड ‘वाटर’ प्रयोग गरी रू. १०० सम्म छूट पनि प्राप्त गर्न सक्ने बताइएको छ । यस सुविधाले सेवाग्राहीलाई लामो लाम बस्न पर्ने झन्झटबाट मुक्त गराई उपमहानगरलाई डिजिटलाइजेसनमा जान सहायता पुर्‍याउने कम्पनीका प्रमुख कार्यकारी अधिकृत प्रवीण रेग्मीले जानकारी दिए । कम्पनीलेले ग्राहकको सुविधाका लागि सुरक्षित तथा नव प्रवद्र्धित सेवाको माध्यमबाट क्यास–लेस सोसाइटी निर्माणमा थप प्रोत्साहन गर्न अग्रणी भूमिका निर्वाह गरेको बताएको छ । 

प्रतिक्रिया [0]