सिटिजन लाइफको ‘सिटिजन हिरोज कन्क्लेभ’ सम्पन्न

अभियान संवाददाता

काठमाडौं। सिटिजन लाइफ इन्स्योरेन्स कम्पनीले ‘सिटिजन हिरोज कन्क्लेभ’ सम्पन्न गरेको छ । तीन दिनसम्म चलेको कार्यक्रमको यो तेस्रो संस्करण हो । धुलिखेलमा सम्पन्न कन्क्लेभ ‘सबल अनि सक्षम, निरन्तर प्रगतिको पथमा’ थिममा सञ्चालन भएको कम्पनीले जानकारी दिएको छ ।

कम्पनीले हरेक आर्थिक वर्षमा आफ्ना सिनियर एजेन्सी म्यानेजरसहित केही उत्कृष्ट एजेन्सी म्यानेजरलाई छनोट गरेर कार्यक्रम गर्दै आएको छ । यसबाट एजेन्सी मेनेजरको थप क्षमता अभिवृद्धि गरेर हौसला प्रदान गर्ने उद्देश्यले कार्यक्रम आयोजना गरिएको कम्पनीले जानकारी दिएको छ । यस्तो किसिमको कार्यक्रमले नेतृत्वलाई उत्प्रेरणा मिल्नुका साथै काम गर्ने विषयमा नयाँ ढंगले सोच्ने र नयाँ तरीका अपनाएर आफ्नो टिमलाई अझै सबल र प्रतिस्पर्धी बनाउन मद्दत मिल्ने गरेको कम्पनीको अनुभव छ । कार्यक्रममा ६० जना एजेन्सी म्यानेजरको सहभागिता थियो भने कम्पनीको सम्पूर्ण व्यवस्थापन टिमका साथै प्रमुख व्यवसाय अधिकृत र प्रदेश प्रमुखको उपस्थिति थियो ।

प्रतिक्रिया [0]