१० वर्षअघिको आर्थिक अभियानबाट: १० लाख डलरको फाइल राजस्व अनुसन्धान विभागमा

नेपाल राष्ट्र बैंकले डेढ वर्षअघि नै असीम खत्री क्षेत्रीले अमेरिकाबाट पठाएको १० लाख डलर रकमको अनुसन्धानको जिम्मा राजस्व अनुसन्धान विभागलाई सुम्पिएको बताएको छ । बैंकले यससम्बन्धी फाइल विभागमा पठाइसकिएको बताएको हो । ‘मुद्राको स्रोतका विषयमा अध्ययन गर्नुपर्ने भएकाले राजस्व अनुसन्धान विभागमा पठाइएको हो,’ राष्ट्र बैंक उच्चस्रोतले अभियानलाई भन्यो ।

राजस्व अनुसन्धान विभागले भने अहिलेसम्म अध्ययनलाई निष्कर्षमा पुर्‍याउन सकेको छैन । यसले गर्दा खाताको रकम २ वर्ष ४ महीनादेखि फ्रीज भएर बसेको छ । नेपाली मूलका असीम खत्री क्षेत्रीले जुलाई २८, २००८ मा अमेरिकाको न्यूयोर्क चेज बैंकबाट नेपाल बंगलादेश बैङ्कको खातामा पठाएको रकम खातावालालाई भुक्तानी नदिन र खाता रोक्का गर्न राष्ट्र बैंक र राजस्व अनुसन्धान विभागले निर्देशन दिएको थियो । क्षेत्रीले चिनियाँ नागरिक ली फियाङको नेपाल बंगलादेश बैंकमा रहेको ००४०५९२८१० नम्बरको खातामा रकम पठाएका थिए । यो रकममा विभिन्न स्वार्थ जोडिएकाले अहिलेसम्म निर्णय हुन नसकेको स्रोतको दाबी छ । त्यो रकम कमिसनको रूपमा आएको देखिएकाले अनुसन्धानको दायरामा ल्याइएको राष्ट्र बैैंक स्रोत बताउँछ ।

वर्ष ६, अंक ७१, बुधवार, १५ मंसिर, २०६७

प्रतिक्रिया [0]