अभियान संवाददाता
काठमाडौं । अमेरिकाका ओहायो राज्यमा नेपालप्रति गैरआवसीय नेपाली संघ (एनआरएनए)को दायित्व र अधिकारमाथि छलफल भएको छ।
गैरआवसीय नेपाली संघ राष्ट्रिय समन्वय परिषद् अमेरिका, ओहायो च्याप्टर र स्थानीय नेपाली संस्था सेन्ट्रल ओहायो नेपाली एसोसियसन र एसोसियसन अफ नेपाली तराईएन ईन अमेरिकाको संयुक्त आयोजनामा र हिमालयन एडल्ट डे केयर सेन्टरको प्रायोजनमा शनिवार ‘नेपालप्रति गैरआवासीय नेपालीको दायित्व र अधिकार’ विषयक अन्तरक्रिया भएको हो ।
गैरआवासीय नेपाली संघ ओहायो च्याप्टरका अध्यक्ष होताराम विश्वकर्माको अध्यक्षतामा भएका अन्तरक्रियामा जनमत पार्टीका अध्यक्ष सांसद डा.सिके राउत, नेपाली कांग्रेसका नेता एवं सांसद रूपा विश्वकर्मा, राष्ट्रिय स्वतन्त्र पार्टी (रास्वपा)का सांसद सोविता गौतम लगायतको उपस्थिति थियो ।
अन्तरक्रिया कार्यक्रममा डा. राउतले नेपालको वर्तमान राजनीतिक अवस्थाबारे बताउँदै संघीय लोकतान्त्रिक गणतन्त्र सफल भएको बताएका थिए ।
त्यस्तै, कांग्रेस नेता विश्वकर्माले आफ्नो पार्टीले युवाको प्रतिनिधित्व गर्दै देशको विकासमा टेवा पुर्याउनुका साथै प्रवासमा रहेका नेपालीलाई स्वदेश फर्किने वातावरण सिर्जना गर्न पहल गरिरहेको बताइन् ।
त्यसैगरी, रास्वपा सांसद गौतमले देशमा आशाको फूल रोपेको दाबी गरिन् ।
कार्यक्रममा गैरआवसीय नेपाली संघ राष्ट्रिय समन्वय परिषद् अमेरिकाका पूर्वसल्लाहकार डा.दामोदर पाडैलले अमेरिकाको माथिल्लो सदन कांग्रेसमा बनेको ‘कोकसको’बारे स्पष्ट पारेका थिए । साथै उनले कोरोना महामारीमा आफू नेपाल र नेपालीको लागि गरेको सहयोग र योगदानको स्मरण गराएका थिए ।
अन्तरक्रियाको क्रममा एन्टाकी अध्यक्ष डा. मिर्दुला गुप्ता र कोनाका अध्यक्ष आनन्द तिवारीले ओहायो राज्यमा बस्ने नेपालीको एकता र भावी पुस्तालाई नेपाली संस्कृति सिकाउने कुरामा जोड दिएको बताएका थिए ।
त्यसैगरी सेवा इन्टरनेसनलका सल्लाहकार शिवप्रकाश मिश्राले नेपाल जाँदा र त्यहाँ सरकारी कार्यालयबाट सेवा लिँदा आफूले भोगेका जटिलताबारे बताउँदै देश विकासको लागि काठमाडौं महानगरपालिका प्रमुख बालेन साहको चर्चा गरेका थिए ।
कार्यक्रमको अन्त्यमा च्याप्टरका अध्यक्ष होताराम विश्वकर्माले हालै नेपाल सरकारबाट पारित गैरआवासीय नेपाली नागरिकता विधेयकबारे चर्चा गर्दै गैरआवासीय नागरिकले तीन पुस्ताको लागि मात्र नभई वंशजको नागरिकता पाउनुपर्ने बताएका थिए ।
बन्दीपुरको केबुलकार र १७ तल्ले होटल माघ १ देखि सञ्चालनमा आउने, केबुलकारभित्रै सुत्न र खान मिल्ने
भारतीय तरकारी सस्तोमा बजार आउँदा नेपाली किसान मर्कामा
लघुवित्तमा पीपीआईको प्रयोग : गरिबी न्यूनीकरणमा लघुवित्तको योगदानको अध्ययन जरुरी
गुलियो चिनीको अर्थशास्त्रमा तीतो पीडा : चाडबाडमा मूल्य बढाउने चलखेल रोक्नु आवश्यक
नियमनको नाममा औषधि व्यवसायीलाई आतंकित बनाउने काम भइरहेको छ
जलवायु वित्तको सन्दर्भमा ‘कोप–२८’
बङ्गलादेश र एडीबीबीच एक अर्ब अमेरिकी डलरको ऋण सम्झौता
माथिल्लो कर्णालीमा राष्ट्रिय प्रसारण लाइन विस्तार
इप्पानको प्रमुख कार्यकारीमा गौतम नियुक्त
नेप्से लगातार तीन कारोबार दिन घटेर १८७६ .६० विन्दुमा, कारोबार रकम पनि घट्दो
चार महीनामा करीब ५० अर्ब बीमा शुल्क संकलन
डाबर च्यवनप्राश सेवन गरे लाभैलाभ [एडभर्टाेरियल]
बजेट नपुग्दा निर्माण व्यवसायीले पाएनन् भुक्तानी
भिजन लुम्बिनी उर्जा कम्पनीको आईपीओ आजबाट, कस्तो छ कम्पनीको अवस्था ? (भिडियो रिपोर्ट)
बजार अभावले सिमेन्ट उद्योगको आम्दानी सुस्त
बढ्न थाल्यो कर्जा
आईटी क्षेत्रको जनशक्ति टिकाउनै गाह्रो