राष्ट्रिय वाणिज्य बैंक र नेशनल बैंकिङ इन्ष्टिच्युटबीच सम्झौता

अभियान संवाददाता

काठमाडौं। राष्ट्रिय वाणिज्य बैंक लिमिटेड र नेशनल बैंकिङ इन्ष्टिच्युट लिमिटेडबीच सर्टिफिकेशन कोर्सको बैंकिङ तालीम सञ्चालन गर्नेसम्बन्धी सम्झौता भएको छ । बुधवार भएको सम्झौतामा बैंकका प्रमुख कार्यकारी अधिकृत किरणकुमार श्रेष्ठ र इन्ष्टिच्युटका प्रमुख कार्यकारी अधिकृत कुमार लम्सालले हस्ताक्षर गरेका छन् ।

उक्त सम्झौता पश्चात् चालू आर्थिक वर्ष २०८०/८१ मा बैंकका कर्मचारीको कार्यदक्षता अभिवृद्धिका लागि इन्ष्टिच्युटले एक हजार कर्मचारीलाई जान्बी, क्यान्बी, मुडिज लगायत सर्टिफिकेशन कोर्स प्रदान गर्ने बताइएको छ । बैंंकका प्रमुख कार्यकारी अधिकृत श्रेष्ठले बैंकले लिएको उद्देश्य हासिल गर्न नियमित रूपमा कर्मचारीलाई तालीम दिँइदै आएको बताए । सम्झौतापश्चात् तालीम लिने व्यक्ति र संस्था दुवैको कार्यदक्षता वृद्धि भई जोखिम न्यूनीकरण हुने बताए । इन्ष्टिच्युटका प्रमुख कार्यकारी अधिकृत कुमार लम्सालले बैंकिङ क्षेत्रमा राष्ट्रिय वाणिज्य बैंकले कर्मचारीलाई प्राथमिकताका साथ तालीम दिने गरेको भन्दै तालीमले संस्थाको उत्पादकत्वमा वृद्धि हुने बताए। 

प्रतिक्रिया [0]