नेपाल भित्रियो अमेरिकन रेष्टुराँ ‘केन्नी रोजर्स रोस्टर्स’

अभियान संवाददाता

काठमाडौं। अमेरिकन रेष्टुराँ ब्रान्ड केन्नी रोजर्स रोस्टर्स (केआरआर) नेपाल भित्रिएको छ । काठमाडौंको दरबारमार्गको ‘दरबार मल’मा केन्नी रोजर्स रोस्टर्सको आउटलेट सञ्चालनमा आएको हो । गुल्मेली दुई युवा व्यवसायी चन्द्रबहादुर थापा र लोकेन्द्र महतराले रेष्टुराँलाई नेपाल भित्त्याएका हुन् । रेष्टुराँमा करीब ३ करोड रुपैयाँ लगानी रहेकोे सञ्चालक थापाले बताए । दुई हजार वर्गफिट क्षेत्रफलमा फैलिएको रेष्टुराँमा एकैपटक ७० जनासम्मले सेवा पाउन सक्ने बताइएको छ ।

‘वुडन आर्किटेक’ डिजाइनमा तयार पारिएको रेष्टुराँमा पुग्ने ग्राहकले परम्परागत मौलिक र आधुनिक शैलीको फ्युजन महसुुस गर्न सक्ने बताइएको छ । चर्चित अमेरिकी गायक केन्नी रोजर्स र केन्टकी फ्राइड चिकेन (केएफसी)का पूर्वसिइओ तथा अमेरिकाको केन्टकी राज्यका पूर्वगभर्नर जोन वाई ब्राउन (जुनियर)ले सन् सन् १९९१ मा केन्नी रोजर्स रोस्टर्स रेष्टुराँ सञ्चालनमा ल्याएका थिए । रेष्टुराँमा चिकेनका परिकार बनाउन फ्रान्स र जर्मनीबाट आधुनिक मेसिन ल्याइएको महतराले बताए । रेष्टुराँका मुख्य परिकारहरूमा तेल नहाली पकाइने मेसिन रोस्टेड होल चिकेन, फ्राइड र अनफ्राइड (ओएमजी) चिकेन, पिज्जा स्वादको स्यान्डविच, फिस बर्गरलगायत रहेका छन् । 

प्रतिक्रिया [0]