भूकम्पको केन्द्रविन्दुमै ५.८ रेक्टरको परकम्प, जाजरकोट आसपास पनि धक्का महसुस

अभियान संवाददाता

भेरीगङ्गा (सुर्खेत) । जाजरकोटको रामीडाँडा केन्द्रविन्दु भएर फेरि अर्को परकम्प गएको छ । आज अपराह्न ४ बजेर ३१ मिनेटमा ५ दशमलव ८ रेक्टर स्केलको परकम्प गएको भूकम्प मापन केन्द्र सुर्खेतले जनाएको छ ।

जाजरकोटका छिमेकी जिल्लामा पनि भूकम्पको धक्का महसुस गरिएको स्थानीयले जनाएका छन् ।

यसअघि गत शुक्रवार राति ११:४७ बजे जाजरकोट केन्द्रविन्दु भएर ६.४ रेक्टर स्केलको भूकम्प गएको थियो । भूकम्पका कारण जाजरकोट र रुकुम पश्चिममा १५७ भन्दा बढीको ज्यान गइसकेको छ भने थुप्रै घरहरू क्षतिग्रस्त बनेका छन् । राससको सहयोगमा

प्रतिक्रिया [0]