गाँजा खेतीको सम्भाव्यता अध्ययनका लागि कार्यदल गठन

अभियान संवाददाता

काठमाडौं। सरकारले गाँजा खेतीको सम्भाव्यता अध्ययनका लागि गृह मन्त्रालयका सचिवको संयोजकत्वमा कार्यदल गठन गरेको छ । अर्थमन्त्री डा. प्रकाशशरण महतले आर्थिक वर्ष २०८०/८१ को बजेट प्रस्तुत गर्दा गाँजा खेतीको सम्भावनाका विषयमा अध्ययन गर्ने घोषणा गरेका थिए । आर्थिक वर्ष २०८०/८१ को बजेट वक्तव्य को १०५ नम्बर बुँदामा भनिएको छ, ‘औषधिजन्य प्रयोगका लागि गाँजा खेतीको सम्भाव्यता अध्ययन गरिनेछ ।’

यो कार्यदललाई दुईओटा ‘म्यान्डेट’ दिइएको छ । गाँजालाई औषधिका उपयोग र गाँजाबाट औद्योगिकीकरणको सम्भाव्यता अध्ययन गरिनेछ । गाँजाका डाँठ, पात र रेसाबाट कपडा बनाउन सकिने विषयमा कार्यदलले अनुसन्धान गर्नेछ । काम शुरू गरेको एक महीनाभित्र प्रतिवेदन बुझाउन कार्यदललाई अर्थमन्त्री महतले निर्देशन दिएका छन् ।

प्रतिक्रिया [0]