कपनमा टाटा मोटर्सको नयाँ वर्कशप

अभियान संवाददाता

काठमाडौं। नेपालका लागि टाटा मोटर्सको अधिकारिक वितरक, सिप्रदी ट्रेडिङले काठमाडौंको कपनमा टाटा मोटर्स पेसेन्जर सेग्मेन्टका गाडीलाई लक्षित गर्दै नयाँ वर्कशप सञ्चालनमा ल्याएको छ । 

करीब ११ हजार ८८० वर्गमिटर क्षेत्रफलमा फैलिएको उक्त वर्कशपको सिप्रदी कम्पनीजका प्रमुख कार्यकारी अधिकृत राजनबाबु श्रेष्ठ र टाटा मोटर्स पेसेन्जर भेहिकल इन्टरनेशनलका बिजनेस हेड मायांक बल्डीले उद्घाटन गरेका हुन् । 

नयाँ वर्कशपमा पेसेन्जर सेग्मेन्टका गाडीको हरेक पार्टपुर्जाको इन्जिन, चक्का, सस्पेन्सन, एसी लगायत मर्मतसम्भारका साथै डेन्टपेन्ट गरिने बताइएको छ । वर्कशपमा विशेषगरी विद्युतीय गाडी (इभी)को चेकजाँचको लागि विशेषज्ञ प्राविधिकको व्यवस्था गरिएको कम्पनीले जानकारी दिएको छ । कम्पनीका प्रमुख कार्यकारी अधिकृत श्रेष्ठले ग्राहकलाई प्रभावकारी सेवा प्रदान गरिने प्रतिबद्धता व्यक्त गरे । यही प्रतिबद्धता स्वरूप कम्पनीले दक्ष जनशक्ति एवं अत्याधुनिक नयाँ वर्कशप सञ्चालनमा ल्याएको उनको भनाइ छ ।

प्रतिक्रिया [0]