एनसेलद्वारा थप ३ जनालाई बम्पर पुरस्कार प्रदान

अभियान संवाददाता

काठमाडौं। एनसेल आजियाटा लिमिटेडले ‘हरेक दिन सरप्राइज सबैलाई स्योर प्राइज’ योजनाअन्तर्गत बुधवार थप ३ जना ग्राहकलाई बम्पर पुरस्कारमा स्कुटर प्रदान गरेको छ । बम्पर पुरस्कार काठमाडौंको नयाँ बानेश्वर, भैरहवा र जनकपुरस्थित एनसेल सेन्टरमा आयोजित कार्यक्रममार्फत हस्तान्तरण गरिएको हो ।

यो योजना एनसेलको १८औं वार्षिकोत्सवको अवसरमा ब्रान्ड प्रतिबद्धता ‘हामी तपाईंकै लागि’ अन्तर्गत सञ्चालन गरिएका पहलमध्ये एक भएको बताइएको छ । यो योजना भदौ ३१ देखि २८ दिनसम्म सञ्चालनमा थियो । साप्ताहिक बोनस ब्यालेन्स र बम्पर पुरस्कारका लागि योग्य हुन ग्राहकले शर्तअनुसार एनसेलको बारेमा नारा पठाएका थिए र यस अवधिमा देशभरका ग्राहकबाट कम्पनीले ४५ हजारभन्दा बढी नारा प्राप्त गरेको थियो ।

प्रतिक्रिया [0]