१० वर्षअघिको आर्थिक अभियानबाट : जलविद्युत् मा भुटानबाट किन नसिक्ने ? 

अभियान संवाददाता

दक्षिण एशियाली मुलुक भुटानले आगामी एक दशकभित्र १० हजार मेगावाट बिजुली उत्पादन गर्ने बताएर छिमेकी नेपाललाई एउटा गतिलो पाठ पढाएको छ । भुटानले यसमध्ये ३ हजार मेगावाट क्षमताका आयोजना निर्माण शुरू गरिसकेको छ भने बाँकी ७ हजारका लागि तयारी अगाडि बढाएको बताएको छ । बिजुलीको उपलब्धताले भुटानमा खानीजन्य तथा अन्य उद्योगहरू स्थापना हुने क्रममा तीव्रता आएको पनि सम्बद्ध अधिकारीले बताएका छन् । त्यति मात्र होइन, भुटानको अर्थतन्त्रमा जलविद्युत्को हिस्सा ४५ प्रतिशत पुगेको छ । नेपाल भूगोलत: भुटानभन्दा ठूलो छ र यहाँ उपलब्ध नदीनाला पनि तुलनात्मक रूपमा निकै बढी छन् । तिनको पानी बगेर त्यसै खेर गएको छ । भुटानमा एउटा मात्र विद्युत् उत्पादक संस्था डुक ग्रीन रहेको छ । त्यही एउटै संस्थाले यस्तो चमत्कारपूर्ण गतिमा विद्युत् विकास गरिरहेको छ । सरकारले हरेक वर्षको बजेटको केही हिस्सा जलविद्युत् विकासका लागि भनेर छुट्याउँदै आएको छ । त्यो बजेटले न त ठूला आयोजना विकास गर्न पुग्छ न त शुरू भएका समयमा पूरा हुन्छन् । 

(सम्पादकीयबाट)

वर्ष ६, अंक ९०, सोमवार, ५ पुस, २०६७ 

प्रतिक्रिया [0]