१० वर्षअघिको आर्थिक अभियानबाट: मुद्दती निक्षेप बढ्नुको संकेत

गत १ वर्षको अवधिमा नेपालका वाणिज्य बैंकहरूको मुद्दती निक्षेप झण्डै ४४ प्रतिशतले बढेको छ । यो रकम बैंकहरूको कुल निक्षेप परिचालनको ३० प्रतिशतभन्दा थोरै बढी हो । मुद्दती निक्षेप बैंकिङ प्रणालीमा यसरी बढ्नु र यसको हिस्सा कुल निक्षेपको झण्डै एक तिहाइ हुनु वित्तीय प्रणालीको स्वास्थ्यका लागि राम्रो संकेत होइन । बैंकहरूले मुद्दती निक्षेप आकर्षित गर्नका लागि विगत २ वर्षदेखि ब्याजदरमा उल्लेख्य वृद्धि गरेका छन् । कतिपय वाणिज्य बैंकहरूले नै १२ प्रतिशतसम्म ब्याज दिएका छन् । निक्षेप र कर्जाबीचको ब्याजदर फरक न्यूनतम ५ प्रतिशत मात्र मान्ने हो भने पनि यसरी संकलित निक्षेपबाट उद्योग व्यवसायमा लगानी हुने कर्जाको ब्याजदर न्यूनतम १७ प्रतिशत हुन्छ । 

(सम्पादकीयबाट)

वर्ष ६, अंक ९२, बुधवार, ७ पुस, २०६७

प्रतिक्रिया [0]