काठमाडौं । कुमारी सामूहिक लगानी कोषअन्तर्गत सञ्चालित कुमारी धनवृद्धि योजनाले असारको खुद सम्पत्ति मूल्य विवरण सार्वजनिक गरेको छ । उक्त वित्तीय विवरणअनुसार फण्डको नाफा जेठको तुलनामा असारमा १४३ प्रतिशत वृद्धि भएको छ ।
फण्डले जेठ मसान्तमा रू. ४ करोड ९३ लाख नाफा कमाएकोमा असार मसान्तमा बढेर रू. १२ करोड पुगेको छ । असारमा फण्डको आम्दानीमा वृद्धि भएकाले नाफा बढेको हो । जेठ मसान्तमा फण्डको कुल आम्दानी रू. ७ करोड १० लाख रहेकोमा चालू आवमा बढेर रू. १४ करोड ३८ लाख पुगेको छ ।
त्यस्तै, फण्डको न्याभ जेठ मसान्तमा १० रुपैयाँ ९३ पैसा रहेकोमा असार मसान्तमा ११ रुपैयाँ ५० पैसा कायम भएको छ ।
फण्डले सूचीकृत शेयरमा लगानी भने बढाएको छ । जेठ मसान्तमा सूचीकृत शेयरमा रू. ८७ करोड ९३ लाख लगानी गरेको कम्पनीले असार मसान्तमा उक्त लगानी बढाएर रू. ९१ करोड १७ लाख पुर्याएको हो ।
फण्डको मुद्दति निक्षेपमा रू. १७ करोड छ । जेठ मसान्तमा भने फण्डको मुद्दति निक्षेपमा रू. १८ करोड थियो ।