काठमाडौं । ग्लोबल आइएमई ब्यालेन्स्ड फण्ड–१ ले वैशाख मसान्तसम्म ७९ लाख २७ हजार रुपैयाँभन्दा बढी नोक्सानीमा छ । चैत मसान्तसम्म ७६ लाख ४४ हजार रुपैयाँभन्दा बढी नाफा गरेको योजना वैशाख मसान्तसम्म भने नोक्सानीमा गएको हो ।
चैत मसान्तसम्म २ करोड १६ लाख रुपैयाँभन्दा बढी जम्मा आम्दानी गरेको योजनाले चैत मसान्तसम्म भने ७६ लाख ८९ हजार रुपैयाँभन्दा बढी जम्मा आम्दानी गरेको हो । चैतको तुलनामा वैशाखमा योजनाको जम्मा आम्दानी कम भएकाले नोक्सानी व्यहोर्नुपरेको हो । खर्च रकम भने बढेको छ । चैत मसान्तसम्म योजनाले १ करोड ४० लाख रुपैयाँभन्दा बढी खर्च गरेको योजनाले वैशाख मसान्तसम्म १ करोड ५६ लाख रुपैयाँभन्दा बढी खर्च गरेको हो ।
१० वर्षे अवधिको बन्दमुखी प्रकृतिको यस योजनाले वैशाख मसान्तसम्म ९५ करोड ८७ लाख २४ हजार रुपैयाँभन्दा बढी धितोपत्रमा लगानी गरेको छ । योजनाको धितोपत्रमा भएको लगानीको परल मूल्यको तुलनामा बजार मूल्य भने कम छ । वैशाख मसान्तसम्म योजनाको कुल लगानी भने ९४ करोड ५१ लाख रुपैयाँभन्दा बढी छ ।
योजनाले १० करोड २५ लाख ७६ हजार ३६० इकाई जारी गरेको थियो । योजनाको प्रतिइकाई खुद सम्पत्ति मूल्य वैशाख मसान्तसम्म ९ रुपैयाँ ९९ पैसा छ । चैत मसान्तसम्म योजनाको प्रतिइकाई खुद सम्पत्ति मूल्य १० रुपैयाँ १४ पैसा छ ।