काठमाडौं । कुमारी सामूहिक लगानी कोषअन्तर्गत सञ्चालित कुमारी सुनौलो लगानी योजनाले असार मसान्तको खुद सम्पत्ति मूल्य सार्वजनिक गरेको छ । उक्त वित्तीय विवरणअनुसार फण्डको प्रतिइकाई खुद सम्पत्ति मूल्य (न्याभ) र नाफा असारमा वृद्धि भएको छ ।
जेठ मसान्तमा फण्डको न्याभ ११ रुपैयाँ २० पैसा रहेकोमा असार मसान्तमा बढेर ११ रुपैयाँ ८४ पैसा पुगेको हो । त्यस्तै, फण्डले जेठ मसान्तमा रू. २ करोड ६ लाख नाफा कमाएकोमा असार मसान्तमा बढेर रू. ४ करोड ३९ लाख पुगेको हो ।
असार महीनामा फण्डको आम्दानीमा वृद्धि भएकाले नाफा बढ्न टेवा पुगेको हो । जेठ मसान्तसम्ममा फण्डको जम्मा आम्दानी रू. २ करोड ८४ लाख रहेकोमा असार मसान्तमा बढेर रू. ५ करोड २३ लाख पुगेको छ ।
असार मसान्तसम्ममा फण्डले सूचीकृत शेयरमा रू. २८ करोड ४६ लाख लगानी गरेको छ । जेठ मसान्तमा भने फण्डको सूचीकृत शेयरमा लगानी रू. २९ करोड ६८ लाख थियो । यस आधारमा फण्डको सूचीकृत शेयरमा लगानी केही घटेको छ ।