काठमाडौं । सिद्धार्थ म्युचुअल फण्डअन्तर्गत सञ्चालित सिद्धार्थ इक्वीटी फण्डले जेठ महीनाको खुद सम्पत्ति मूल्य विवरण सार्वजनिक गरेको छ ।
उक्त वित्तीय विवरण अनुसार फण्डको नोक्सानी वैशाखको तुलनामा जेठमा घटेको छ । वैशाख मसान्तमा फण्डले रू. ९ करोड १२ लाख नोक्सानी व्यहोरेकोमा जेठ मसान्तमा घटेर रू. ३ करोड ९० लाखमा झरेको छ ।
त्यस्तै फण्डको प्रतिइकाई खुद सम्पत्ति मूल्य (न्याभ) वैशाखको तुलनामा जेठमा वृद्धि भएको छ । वैशाख मसान्तमा फण्डको न्याभ ९ रुपैयाँ ४३ पैसा रहेकोमा जेठ मसान्तमा बढेर ९ रुपैयाँ ७७ पैसा पुगेको हो ।
त्यसैगरी फण्डले सूचीकृत शेयरमा लगानी बढाएको छ । वैशाख मसान्तसम्म कम्पनीको सूचीकृत शेयरमा लगानी रू. १ अर्ब १६ करोड रहेकोमा जेठ मसान्तमा बढाएर रू. १ अर्ब २५ करोड पुर्याइएको हो ।