काठमाडौं । सूर्योदय वोमी लघुवित्त वित्तीय संस्था लिमिटेडको एफपीओमा २४२ दशलमव ५५ गुणा बढी आवेदन परेको छ ।
सिडिएस एण्ड क्लियरिङ्गका अनुसार आइतवार १०ः०६ बजेसम्म ७ लाख ४९ हजार ३९९ जना आवेदकले १ करोड १३ लाख ३४ हजार २७० कित्ताका लागि आवेदन दिएका हुन् । यो निष्कासित शेयर संख्याको २४२ दशमलव ५५ गुणा बढी हो ।
कम्पनीले साउन ४ देखि ४६ हजार ७२९ कित्ता एफपीओ सर्वसाधारणमा निष्कासन गरेको हो । यस एफपीओमा आवेदकले साउन ८ गतेसम्म आवेदन दिन सक्नेछन् । लगानीकर्ताहरूले न्यूनतम १० कित्तादेखि अधिकतम १ हजार कित्तासम्म माग गर्दै कम्पनीको एफपीओ खरीदका लागिआवेदन दिन सक्नेछन् ।
विक्री प्रबन्धक कुमारी क्यापिटल लिमिटेडसँगै आस्बा सेवामा सहभागी सम्पूर्ण बैंक तथा वित्तीय संस्था र तिनका सम्पूर्ण शाखा कार्यालयबाट एफपीओ खरीदका लागि आवेदन दिन सकिनेछ । साथै मेरो शेयर अनलाइनमार्फत पनि आवेदन दिन सकिने व्यवस्था गरिएको छ ।
कम्पनीले एफपीओ निष्कासन प्रयोजनका लागि गराएको रेटिङ्गमा केयर रेटिङ्ग नेपालले वित्तीय दायित्व वहन गर्ने क्षमतामा मध्यम जोखिम रहेको संकेत गर्ने केयर एनपी डबल बी इस्यूअर रेटिङ्ग प्रदान गरेको छ ।