काठमाडौं। प्रिमियम हार्कोर्ट पोट्र्रेटका लागि प्रख्यात ‘अनर २००’ सिरिजको विक्री शुरू भएको छ । सेल्ट्रोन नेपालले विभिन्न अफरसहित यसको नेपालभर विक्री शुरू गरेको हो । बुधवारदेखि शुरू भएको यो अफर जुलाई ३१ सम्म कायम रहने बताइएको छ । अनर २०० प्रो ओशन सायन र ब्ल्याक गरी दुई रङमा उपलब्ध रहेको बताइएको छ भने अनर २०० मुनलाइट ह्वाइट र ब्ल्याकमा उपलब्ध रहेको कम्पनीले जानकारी दिएको छ ।
अनर २०० (१२+२५६) जीबी भेरियन्टको मूल्य रू. ६४ हजार ९९९ र १२+५१२ जीबी भेरियन्टको मूल्य रू. ६७ हजार ९९९ निर्धारण गरिएको बताइएको छ । यो फोन खरीद गर्दा रू. १३ हजार ९९९ को अनर च्वाइस वाच रू. १ हजार ९९९ मा प्राप्त गर्न सकिने र स्क्रिन ब्रेकेज बीमाको लाभ उठाउन सकिने बताइएको छ । त्यस्तै ग्राहकले अनर २०० प्रो (१२+५१२) जीबी भेरियन्ट रू. ८४ हजार ९९९ मा पाइने र साथमा रू. १३, हजार ९९९ पर्ने अनर च्वाइस वाच, रू. ५ हजार ४९९ मूल्यको अनर च्वाइस एयरबड्स एस्क फाइभसहित स्क्रिन ब्रेकेज बीमा र भीआईपी कार्ड पनि प्राप्त गर्ने बताइएको छ ।