साउन १८, बैतडी । अज्ञात समुहले शुक्रवार राती जिल्लाको डिलासैनीस्थित् नेपाल टेलिकमको टावरमा आगजनी गरेको छ ।

डिलासैनी गाउँपालिका ४ मठैराज बलालीमा रहेको नेपाल टेलिकमको टावरमा अगजनी   भएको जिल्ला प्रहरी कार्यालय बैतडीका प्रहरी नीरिक्षक दिपक पातलीले बताए ।
अगजनीबाट टावरमा रहेका ब्याट्री र तारहरु जलेर नष्ट भएका छन् ।

टावरमा कसले र किन आगजनी गर्यो भन्ने बारे केही जानकारी नभएको र घटनाबारे थप अनुसन्धान भइरहेको जिल्ला प्रहरी कार्यालय बैतडीले बताएको छ ।

गत साउन १६ गते पनि बैतडीको पुर्चौडी नगरपालिका १ कुँडीधारमा रहेको एनसेलको टावरमा पनि अज्ञात समुहले तोडफोड गर्नुका साथै आगजनी समेत गरेका थिए ।