भेरीगङ्गा । कर्णाली प्रदेशमा एक वर्षमा सवारी दुर्घटनामा परी एक सय १२ जनाको मृत्यु भएको छ । गत आर्थिक वर्षमा कर्णाली प्रदेशभर एक हजार चार सय ४५ सवारी दुर्घटनामा परी एक सय १२ जनाको मृत्यु भएको हो ।कर्णाली प्रदेश प्रहरी कार्यालयका अनुसार सुर्खेतमा नौ सय ५९ ओटा सवारी दुर्घटना हुँदा २८ जनाको मृत्यु भएको छ ।
सल्ल्यानमा एक सय ३० सवारी दुर्घटना हुँदा १९ जनाको मृत्यु हुँदा रुकुमपश्चिममा ९३ ओटा सवारी दुर्घटनामा २३ जनाको मृत्यु भएको हो ।यसैगरी, गत वर्ष कालिकोटमा ४८ ओटा सवारी दुर्घटनामा परी सात जनाको मृत्यु भयोभने जाजरकोटमा ६८ ओटा दुर्घटना पाँच, दैलेखमा ७० ओटा दुर्घटना हुँदा १०, जुम्लामा भएका ४१ दुर्घटनामा सातजनाको मृत्यु भएको हो । समीक्षा अविधिमा मुगुमा १२ र डोल्पामा १३ ओटा सवारी दुर्घटनाका घटना भएका थिए ।दुई हजारभन्दा अधिक घाइतेकर्णाली प्रदेश प्रहरी कार्यालय सुर्खेतका अनुसार सवारी दुर्घटना परी एक वर्षको अवधिमा दुई हजार ७७ जना घाइते भएका छन् ।
घाइतेमध्ये पाँच सय २४ जना गम्भीर र अन्य सामान्य छन् । घाइतेमध्ये सबैभन्दा धेरै सुर्खेतका एक हजार एक सय ८४ छन् भने सल्ल्यानका दुई सय ७१, रुकुमपश्चिमका एक सय ५६, कालिकोटका ९६, जाजरकोटका ८७, दैलेखका एक सय ३८, जुम्लाका ६०, मुगुका ३९, डोल्पाका २१ र हुम्लाका २६ जना रहेको प्रदेश प्रहरी कार्यालले जनाएको छ ।मोटरसाइकल, स्कुटर र अटो दुर्घटना धेरैकर्णालीमा सबैभन्दा धेरै मोटरसाइकल र स्कुटर दुर्घटनामा परेका छन् ।
गत आवमा प्रदेशभर सात सय ७१ ओटा मोटरसाइकल तथा स्कुटर दुर्घटना भएका छन् । त्यसपछि एक सय ६५ ओटा अटोरिक्सा, दुई सय १८ ओटा जिप तथा कार, ९१ ओटा ट्रयाक्टर दुर्घटना भएका छन् ।एक वर्षको अवधिमा ७० ओटा बस दुर्घटना भएका छन् भने ६९ ओटा ट्रक/ट्याङ्कर दुर्घटना परेको प्रहरीले जनाएको छ । यस्तै, २७ ओटा माइक्रो फोर्स, १५ ओटा टिपर, १४ ओटा डोजर तथा लोडर दुर्घटना भएका थिए । रासस