काठमाडौं। ग्लोबल आइएमई बैंक लिमिडेट ‘युरो मनी अवार्ड फर एक्सलेन्स २०२४’ अन्तर्गत ‘बेस्ट बैंक नेपाल’ र ‘बेस्ट बैंक ईएसजी (वातावरण, सामाजिक र सुशासन) नेपाल’ विधाबाट सम्मानित भएको छ । बैंक दोस्रो पटक बेष्ट बैंक नेपाल अवार्डबाट सम्मानित भएको छ ।
यसअघि पनि बैंकले ‘युरो मनी अवार्ड फर एक्सलेन्स २०२२’ मा बेस्ट बैंक नेपाल’ प्राप्त गरेको थियो । सन् १९९२ मा युरो मनी म्यागजिनद्वारा स्थापित यो अवार्ड बैंकिङ क्षेत्रको प्रतिष्ठित अवार्ड मानिन्छ । यसै वर्ष बैंकलाई ग्लोबल फाइनान्सले पनि ‘उत्कृष्ट बैंक अवार्ड २०२४’ बाट सम्मानित गरेको थियो । युरो मनी अवार्ड फर एक्सलेन्स २०२४ लगायतका अन्य विभिन्न अवार्डले बैंकलाई भविष्यमा थप उत्कृष्ट सेवा तथा सुविधा प्रदान गर्न उत्प्रेरित गर्ने बैंकको भनाइ छ ।