काठमाडौं । आर्थिक वर्ष २०८१/८२ को कात्तिक महिनासम्ममा निर्जीवन बीमा कम्पनीहरूले कुल रू.१४ अर्ब बढी कुल बीमाशुल्क आर्जन गरेका छन् । नेपाल बीमा प्राधिकरणको तथ्यांक अनुसार निर्जीवन बीमा कम्पनीहरूले ८ लाख ९७ हजार २३५ वटा बीमालेख बिक्री गरी कुल रू.१४ अर्ब ९ करोड ७२ लाख कुल बीमाशुल्क संकलन गरेका हुन । 

यी कम्पनीमध्ये सबैभन्दा अगाडि सगरमाथा लुम्बिनी इन्स्योरेन्स रहेको छ । यस कम्पनीले कात्तिक मसान्तसम्ममा रू.१ अर्ब ७७ करोड भन्दा बढी कुल बीमाशुल्क आर्जन गरेको छ । कम्पनीले ९१ हजार ७७३ ओटा बीमालेख  विक्री गरेर उक्त बीमाशुल्क आर्जन गरेको हो । 

त्यस्तै दोस्रोमा सिद्धार्थ प्रिमियर इन्स्योरेन्स कम्पनीले रू. १ अर्ब ४६ करोड बीमाशुल्क आर्जन गरेको छ । तेस्रोमा शिखर इन्स्योरेन्सले रू.१ अर्ब ४१ करोड बीमाशुल्क आर्जन गरेको छ । 
कम बीमाशुल्क आर्जन गर्नेमा नेशनल इन्स्योरेन्सले चार महीना अर्थात कात्तिक मसान्तसम्ममा रू. ४९ करोड ३ लाख आर्जन गरेको छ । राष्ट्रिय बीमा कम्पनीले रू. ६१ करोड ४९ लाख कुल बीमाशुल्क आर्जन गरेको हो ।

कम्पनीको नाम	कात्तिक मसान्तसम्मको कुल बीमाशुल्क आर्जन रू. लाखमा
सगरमाथा लुम्बिनी इन्स्योरेन्स	१७,७६७.९३
सिद्धार्थ प्रिमियर इन्स्योरेन्स	१४,६२६.७३
शिखर इन्स्योरेन्स	१४,१०३.०१
नेको इन्सुरेन्स	११,५२७.४५
हिमालयन एभरेष्ट इन्स्योरेन्स	११,४९८.७३
आइजिआई प्रुडेन्सियल इन्स्योरेन्स	११,३४९.१६
एनएलजी इन्स्योरेन्स	९,४१९.४५
दि ओरियन्ट	९,२८६.७२
युनाइटेड अजोड इन्स्योरेन्स	८,४०१.८४
नेपाल इन्स्योरेन्स	७,८६८.७६
सानिमा जिआईसी इन्स्योरेन्स	७,७९३.३८
प्रभु इन्स्योरेन्स	६,२७५.३१
राष्ट्रिय बीमा कम्पनी	६,१४९.९१
नेशनल इन्स्योरेन्स	४,९०३.९३
कुल	१४०,९७२.३२
स्रोत : नेपाल बीमा प्राधिकरण