काठमाडौं । आइतवार दुई वाणिज्य बैंकसहित तीन कम्पनीहरूले संस्थापक शेयर विक्रीका लागि सूचना जारी गरेका छन् । 

माछापुच्छ्रे बैंक लिमिटेडले ३ लाख २५८ कित्ता, सिटिजन्स बैंक इन्टरनेशनलले २५ हजार कित्ता र डिप्रोक्स लघुवित्त वित्तीय संस्था लिमिटेडले ५२ हजार ७३५ कित्ता संस्थापक शेयर विक्रीका लागि ३५ दिने सूचना जारी गरेका हुन् । 

तीन कम्पनीमध्ये सिटिजन्स बैंकले शेयरको मूल्य प्रतिकित्ता १२५ रुपैयाँ तोकेको छ ।

यी कम्पनीको शेयर खरीदका लागि विद्यमान संस्थापक शेयरधनीहरूले मात्र आवेदन पेश गर्नुपर्नेछ । माछापुच्छ्रे बैंकको शेयर खरीदका लागि आगामी ३५ दिनभित्र शेयर रजिष्ट्रार माछापुच्छ्रे क्यापिटल लिमिटेडको केन्द्रीय कार्यालय सुन्धारा, काठमाडौंमा आवेदन पेश गर्नुपर्नेछ । 

सिटिजन्स बैंकको शेयर खरीदका लागि केन्द्रीय कार्यालय नारायणहिटी, काठमाडौं र डिप्रोक्स लघुवित्तको शेयर खरीदका लागि कम्पनीको केन्द्रीय कार्यालय सितापाइला, काठमाडौंमा आवेदन पेश गर्नुपर्नेछ । 

तोकिएको अवधिभित्र विद्यमान संस्थापक शेयरधनीहरूबाट यी शेयर खरीद माग नभएमा दोस्रो चरणमा अन्य व्यक्ति तथा संस्थामा यी शेयर विक्री प्रक्रिया अघि बढाइने जानकारी सम्बन्धित कम्पनीहरूले सूचनामार्फत गराएका छन् ।