काठमाडौं। एनआईसी एशिया लघुवित्त वित्तीय संस्था लिमिटेडको छैटौं वार्षिक साधारणसभा शुक्रवार सुनसरीको धरानमा सम्पन्न भएको छ । सभाले विभिन्न एजेन्डासहित संस्थाको सञ्चालक समितिको प्रतिवेदन, वार्षिक आर्थिक विवरण पारित गरेको बताइएको छ । सभाले संस्थाका शेयरधनीलाई चुक्ता पूँजीको १५ प्रतिशत नगद लाभांश (कर प्रयोजन समेत) वितरण गर्ने प्रस्ताव पारित गरेको छ । साथै, सभाले संस्थापक एनआईसी एशिया बैंक लिमिटेडको तर्फबाट मनोनीत भई प्रतिनिधित्व गरेका दिपक ढकाललाई सञ्चालक पदमा निर्वाचित गरेको छ ।