काठमाडौं।  एशियन लाइफ इन्स्योरेन्स कम्पनी लिमिटेडले अठारौंं वर्षमा प्रवेश गरेको छ । अठारौंंंं वर्ष प्रवेशको अवसरमा चैत १५ गतेदेखि चैत्र २१ गतेसम्म विविध कार्यक्रम आयोजना गरिएको बताइएको छ । 

वार्षिकोत्सवको अवसरमा ‘रक्तदान जीवन दान’ नारालाई आत्मसात् गर्दै बिहीवार मैतीदेवीस्थित प्रधान कार्यालय परिसरमा रक्तदान कार्यक्रम आयोजना गरिएको छ । कार्यक्रममा प्रधान कार्यालय साथै काठमाडौं उपत्यकाभित्रका शाखा, उपशाखाका कर्मचारी, विभिन्न संघ संस्थाका प्रतिनिधि समेत ७४ जनाले रक्तदान गरेका थिए । वार्षिकोत्सवका अवसरमा चैत्र १८ गते काठमाडौं उपत्यकाभित्रका कर्मचारीबीच मैत्रीपूर्ण फुटसल प्रतियोगिताको आयोजना गरिएको थियो । साथै देशभरका विभिन्न ८६ शाखा, उपशाखा कार्यालयमार्फत वृद्धाआश्रम, सामुदायिक विद्यालय, अनाथालय तथा सामाजिक संघ संस्थाहरूलाई शैक्षिक सामग्री, खाद्यान्न तथा फर्निचर लगायत रू. १० लाख बराबरको सहयोग उपलब्ध गराइएको बताइएको छ ।

वार्षिकोत्सवको अवसरमा प्रधान कार्यालयमा आयोजित शुभकामना आदान प्रदान कार्यक्रममा कम्पनीका अध्यक्ष दिपककुमार श्रेष्ठले उत्कृष्ट बीमा सेवा प्रवाह गर्दै बीमित र शेयरधनीलाई उच्च प्रतिफल प्रदान गर्नका लागी कम्पनी प्रतिबद्ध रहेको बताएका थिए ।

कम्पनीको चालू आर्थिक वर्ष (आव) २०८१/८२ को फागुनसम्ममा जीवन बीमाकोष रू. ४४ अर्ब ६८ करोड तथा कुल बीमाशुल्क रू. ५७ अर्ब १८ करोड र कुल लगानी रू. ४९ अर्ब ३० करोड छ । यसैगरी चालू आव २०८१/८२ को फागुन मसान्तसम्ममा कुल बीमाशुल्क रू. ५ अर्ब ६९ करोड आर्जन गरेको छ । १६ लाख ४२ हजार सकृय बीमालेख रहेको कम्पनीको चुक्ता पूँजी रू. ३ अर्ब ३९ करोड ९८ लाख रहेको बताइएको छ ।