काठमाडौं । हिमालयन लाइफ इन्स्योरेन्स लिमिटेडले संस्थापकतर्फको १ लाख ५८ हजार ७८४ कित्ता शेयर विक्रीमा ल्याएको छ । कम्पनीले दुई संस्थापक शेयरधनीहरूको नाममा रहेको यी शेयर संस्थापक शेयरधनीहरूले मात्र खरीद गर्न पाउने गरी विक्रीमा ल्याएको हो ।

इच्छुक खरीदकर्ताहरूले आगामी ३५ दिनभित्र कम्पनीको कानुन विभागमा लिखितरूपमा आवेदन पेश गर्नुपर्नेछ । तोकिएको अवधिभित्र आवेदन प्राप्त नभएमा अन्य व्यक्ति तथा संस्थामा यी शेयर विक्री हुने जानकारी कम्पनीले दिएको छ ।