काठमाडौं । काठमाडौंमा चिनियाँ शहरको तस्वीर प्रदर्शनी सम्पन्न भएको छ । उक्त कार्यक्रममा ग्वाङ्झाउ शहरका ३० भन्दा बढी तस्वीरहरू प्रदर्शन गरिएको थियो । 
​
नेपालस्थित चिनियाँ दूतावासका उपप्रमुख वाङ सिनले यो कार्यक्रमले द्विपक्षीय सहकार्यलाई अझ अगाडि बढाउने र पारस्परिक रूपमा विकासको नयाँ अध्याय खोल्नेमा आशा व्यक्त गरे । उनले यो वर्ष चीन-नेपाल कूटनीतिक सम्बन्ध स्थापनाको ७० औं वार्षिकोत्सव र नेपाल पर्यटन वर्ष २०२५ मनाउने उल्लेख गरे । 

स्थायी समितिका सदस्य तथा सीपीसी क्वाङ्गचाउ नगरपालिका समितिको प्रचार विभागका महानिर्देशक डु सिनशानले क्वाङ्गचाउको भूमिकालाई समुद्री रेशम मार्गको एक प्रमुख केन्द्रको रूपमा जोड दिए । 

संस्कृति, पर्यटन तथा नागरिक उड्डयन मन्त्रालयका सचिव विनोद प्रकाश सिंहले दुवै देशलाई पर्यटन सहकार्यमा नयाँ आयामहरूको अग्रगामी हुन आग्रह गरे । 

‌कार्यक्रममा क्वाङ्गचाउको शहरी आकर्षणलाई उजागर गर्ने एक प्रचारात्मक भिडियो प्रदर्शन गरिएको थियो । साथै क्वाङ्गचाउ संस्कृति समूहले क्यान्टोनिज ओपेरा ह्वाइट ड्र्यागन पास र एक्रोबेटिक शो स्ट्रेन्थ एण्ड ब्यूटी सहित मनमोहक प्रस्तुति समेत दिएको थियो । 

यो कार्यक्रम क्वाङ्गचाउ नगरपालिका जन सरकारको सूचना कार्यालयले आयोजना गरेको हो ।