काठमाडौं । लुम्बिनी विकास बैंक लिमिटेडले गत आर्थिक वर्ष (आव) २०८०/८१ सम्मको मुनाफाबाट लाभांश वितरण गर्ने घोषणा गरेको छ ।

कम्पनीले हाल कायम चुक्तापूँजीको कुल ७ प्रतिशत लाभांश वितरण गर्ने निर्णय गरेको हो । कुल लाभांशमध्ये ४ प्रतिशत नगद लाभांश करसहित र ३ प्रतिशत बोनस शेयर रहेको छ ।

उक्त लाभांश नेपाल राष्ट्र बैंकबाट स्वीकृति पाएपछि र बैंकको आगामी साधारण सभाबाट पारित भएपछि शेयरधनीले पाउनेछन् । 

अघिल्लो आवको मुनाफाबाट बैंकले ४ प्रतिशत बोनस शेयर र ४ दशलमव ५ प्रतिशत नगद लाभांश गरेर कुल ८ दशमलव ५ प्रतिशत लाभांश वितरण गरेको थियो ।