काठमाडौं । मुक्तिनाथ क्यापिटल लिमिटेडले पहिलो म्युचुअल फण्ड सञ्चालनका लागि मंसिर २० देखि २५ गतेसम्म निष्कासन गरेको इकाई बाँडफाँट गरेको छ ।

क्यापिटलले तोकिएको अवधिभित्र मागभन्दा बढी आवेदन पर्न आएकाले प्रचलित कानूनबमोजिम योजनाको आकारमा २५ प्रतिशत थप गरी इकाई बाँडफाँट गरेको हो । क्यापिटलका अनुसार बन्दमुखी प्रकृतिको १० वर्षे अवधिका लागि मुक्तिनाथ म्युचुअल फण्ड १ नाम रहने गरी योजना सञ्चालन गर्न लागिएको हो ।

थप गरिएको इकाईसमेत योजनाको आकार १ अर्ब २५ करोड रुपैयाँ कायम भएको छ । तोकिएको अवधिभित्र प्राप्त आवेदनमध्ये योग्य आवेदकहरूमा पुस ४ गते इकाई बाँडफाँट गरिएको जानकारी क्यापिटलले दिएको छ । इकाई बाँडफाँटमा नपरेको इकाईबापत्को रकम सम्बन्धित आवेदकहरूको बैंक खाता फुकुवा गर्नसमेत क्यापिटलले आस्बा सदस्यहरूमा आग्रह गरेको छ ।