काठमाडौं। सानिमा रिलायन्स लाइफ इन्स्योरेन्सले ‘क्लब अचिभर्स इभेन्ट २०८१’ सम्पन्न गरेको छ । द सोल्टी काठमाडौंमा आयोजना गरिएको उक्त कार्यक्रम देशभरि रहेका शाखा तथा उपशाखामा कार्यरत रही क्लब योजनामा सहभागी अभिकर्तालाई लक्षित गरिएको थियो । कार्यक्रममा कम्पनीका अध्यक्ष रतनलाल केडिया, सञ्चालक समितिका सदस्यहरू, प्रमुख कार्यकारी अधिकृत शिवनाथ पाण्डे लगायत उच्च व्यवस्थापन समूहको उपस्थिति थियो ।
कार्यक्रममा कम्पनीका अध्यक्ष केडियाले इन्स्योरेन्सप्रति देखाएको विश्वास र कम्पनीको व्यवसाय वृद्धिमा अभिकर्ताले पुर्याएको योगदानप्रति आभार व्यक्त गरेका थिए । कार्यक्रममा कम्पनीका प्रमुख कार्यकारी अधिकृत शिवनाथ पाण्डेले कम्पनीको मेरुदण्डका रूपमा रहेका अभिकर्तालाई प्रोत्साहन गर्ने कार्यक्रम भविष्यमा पनि ल्याइने बताए । कम्पनीका डेपुटी प्रमुख कार्यकारी अधिकृत निराजन कँडेलले सफल अभिकर्ता बन्न चाहिने शीप लगायतका विषयमा धारणा राखेका थिए ।
