काठमाडौं । शाइन रेसुङ्गा डेभलपमेन्ट बैंकको अध्यक्ष पदमा थानेश्वर पौडेल चयन भएका छन् । बैंकको पुस १९ गते सम्पन्न वार्षिक साधारण सभाबाट निर्वाचित सञ्चालक समिति बैठकले उनलाई अध्यक्ष पदमा चयन गरेको हो ।
उक्त साधारण सभाले सञ्चालक पदमा पौडेलसहित सुरज उप्रेती, वीरेन्द्र भुसाल, वीरेन्द्र विष्ट, नम्रता भण्डारी र हिमाल भट्टराईलाई निर्विरोध निर्वाचित गरेको थियो, जसमा पौडेल, उप्रेती र भुसाल संस्थापक शेयरधनीका तर्फबाट र विष्ट, भण्डारी र भट्टराई सर्वसाधारण शेयरधनीका तर्फबाट सञ्चालकमा निर्वाचित भएका हुन् ।
सभाले ३ प्रतिशत बोनस शेयर र ५ प्रतिशत नगद लाभांश कर सहित वितरण गर्ने प्रस्ताव पारित गरेको छ ।
