काठमाडौं । तेह्रथुम पावर कम्पनीले लिमिटेडले छैठौं वार्षिक साधारण सभाको मिति परिवर्तन भएको छ ।
यसअघि पुस २१ गते वार्षिक साधारण सभा गर्ने मिति तय गरेको कम्पनीले उक्त मिति परिवर्तन गरी माघ १३ गते गर्ने निर्णय गरेको हो । पुस १९ गते बसेको कम्पनीको सञ्चालक समितिको बैठकले मिति परिवर्तन गर्ने निर्णय गरेको हो । परिवर्तित मितिमा वैभव पार्टी भेन्यू, मैतिदेवी, काठमाडौंमा बिहान १२ः३० बजे सभा शुरु हुनेछ ।
सभाले गत आर्थिक वर्ष ०७९/८० सम्मको वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरीक्षक नियुक्ति र निजको पारिश्रमिक निर्धारणको विषय टुङ्ग्याउनेछ । शतप्रतिशत हकप्रद शेयर निष्कासनको प्रस्ताव पनि सभाका लागि तय भएको छ ।
सधारण सभा प्रयोजनका लागि कम्पनीले मङ्सिर २८ गतेदखि पुस २१ गतेसम्म बुक क्लोज गरेको छ । बुक क्लोजको आधारमा मङ्सिर २७ गतेसम्म कायम शेयरधनीहरू मात्र सभामा भाग लिन सक्नेछन् ।
.jpg)
.jpg)
