काठमाडौं । चालू आर्थिक वर्षको पहिलो त्रैमाससम्म रू रू जलविद्युत् कम्पनी ru ru jalbidhyut pariyojana limited  ले रू. ३ करोड ३९ लाखभन्दा बढी खुद नाफा गरेको छ । गत वर्षको यसै अवधिसम्मको तुलनामा कम्पनीको खुद नाफा १ दशमलव ९५ प्रतिशतले बढको छ । गत वर्ष यस अवधिसम्म कम्पनीले रू. ३ करोड ३३ लाखभन्दा बढी खुद नाफा गरेको थियो ।

यस वर्ष कम्पनीको विद्युत् विक्री आम्दानी करीब ३ प्रतिशत कम रू. ५ करोड भएको छ । विद्युत विक्री आम्दानी घटे पनि यो वर्ष वित्तीय आम्दानी उल्लेख्य मात्रामा बढेकाले कम्पनीको खुद नाफा बढेको हो । 

गत वर्ष रू. १ लाखभन्दा बढी रहेको वित्तीय आम्दानी यस वर्ष रू. २३ लाखभन्दा बढी भएको छ । वित्तीय खर्च यस वर्ष २७ दशमलव ३४ प्रतिशत कम भएको छ । गत वर्ष ४६ लाखभन्दा बढी भएको वित्तीय खर्च यो वर्ष रू. ३३ लाखभन्दा बढी भएको छ । हाल कम्पनीको चुक्तापूँजी रू. ४४ करोड ८४ लाख ७६ हजार रहेको छ । 

कम्पनीको जगेडा कोष रकम गत वर्षभन्दा ११६ दशमलव ७५ प्रतिशत बढेर रू. १७ करोड २० लाखभन्दा बढी कायम भएको छ । प्रतिशेयर आम्दानी रू. २२ दशमलव ७३ रहेको कम्पनीको प्रतिशेयर नेटवर्थ रू. १३८ दशमलव ३५ रहेको छ ।

स्रोतः कम्पनीको पहिलो त्रैमाससम्मको वित्तीय विवरण