काठमाडौं । ग्लोबल आइएमई म्युचुअल फण्डअन्तर्गत सञ्चालित ग्लोबल आइएमई समुन्नत योजना १ र ग्लोबल आइएमई ब्यालेन्स्ड फण्ड १ ले पुस मसान्तको खुद सम्पत्ति मूल्य विवरण सार्वजनिक गरेका छन् । विवरण यी दुवै फण्डको न्याभ मङ्सिर मसान्तसम्मको तुलनामा पुस मसान्तसम्ममा बढेको छ ।

ग्लोबल आइएमई समुन्नत योजना १ को न्याभ मङ्सिर मसान्तसम्ममा रू. ९ दशमलव ११ रहेकोमा पुस मसान्तसम्ममा बढेर रू. १० दशमलव ५१ पुगेको छ ।

त्यस्तै ग्लोबल आइएमई ब्यालेन्स्ड फण्ड १ को न्याभ मङ्सिर मसान्तसम्ममा रू. ९ दशमलव ८८ रहेकोमा पुस मसान्तसम्ममा बढेर रू. १० दशमलव ५१ पुगेको छ । यस फण्डले पुस मसान्तसम्ममा रू. ५ करोड २१ लाख नाफा कमाएको छ ।

फण्ड मङ्सिर मसान्तसम्ममा रू. १ करोड २५ लाख नोक्सानीमा थियो । फण्डले पुस मसान्तसम्ममा सूचीकृत शेयरमा रू. ६८ करोड २५ लाख लगानी गरेको छ । यो लगानी मङ्सिर मसान्तसम्म रू. २६ करोड ३९ लाख थियो ।

त्यस्तै ग्लोबल आइएमई समुन्नत योजना १ ले पुस मसान्तसम्म रू.२४ करोड ९६ लाख नोक्सानी व्यहोरेको छ । फण्डले मङ्सिर मसान्तसम्म पनि रू. ३८ करोड ९६ लाख नोक्सानीमा थियो । यस आधारमा फण्डको नोक्सानी केही घटेको छ ।

पुस महीनामा फण्डको जम्मा आम्दानी रू. २३ करोड ९७ लाख ऋणात्मक रहेको छ । सोही कारण फण्ड नोक्सानीमा गएको हो । फण्डले सूचीकृत शेयरमा रू. ७९ करोडभन्दा बढी लगानी गरेको छ । यो लगानी मङ्सिर मसान्तसम्म रू. ७१ करोड ८९ लाख थियो ।

Global IME Samunnat Scheme-1 (GIMES1)

Global IME Samunnat Scheme-1 (GIMES1)