काठमाडौं । शुक्रवार तीन कम्पनीको वार्षिक साधारण सभा हुदैछ । अरुण भ्याली हाइड्रोपावर,गुहेश्वरी मर्चेण्ट बैंकिङ्ग एण्ड फाइनान्स र सिन्धु विकास बैंकले वार्षिक साधारण सभा आयोजना गरेका हुन ।

अरुण भ्याली हाईड्रोपावर कम्पनीले २५ औं वार्षिक साधारण सभा मैत्री हल इन्द्रेणी कम्प्लेक्स नयाँ बानेश्वर काठमाडौंमा बिहान ११ बजे शुरु हुने जानकारी दिएको छ । सभाले ८ प्रतिशत बोनस शेयर र कर प्रयोजनको लागि शून्य दशमलव ४२१ प्रतिशत नगद लाभांश वितरण गर्ने प्रस्ताव पारित गर्नेछ । कम्पनीले साधारण सभा प्रयोजनको लागि माघ १८ गते बुक क्लोज गरिसकेको छ । यस बुक क्लोजको आधारमा माघ १७ गते सम्म कायम शेयरधनीले साधारण सभामा भाग लिन र लाभांश पाउन योग्य छन् ।

गुहेश्वरी मर्चेन्ट एण्ड बैंकिङ्ग लिमिटेडले २१औं वार्षिक साधारण सभा गुहेश्वरी भवन हरिहर भवन, ललितपुरमा बिहान १० बजे शुरू हुने जानकारी दिएको छ । सभाले ६ दशमलव ५० प्रतिशत बोनस शेयर र कर प्रयोजनको लागि शून्य दशमलव ३४ प्रतिशत नगद लाभांश वितरण गर्ने प्रस्ताव पारित गर्नेछ ।

साधारण सभा प्रयोजनको लागि माघ २० गते बुक क्लोज गरिसकेको छ । यस बुक क्लोजको आधारमा माघ १९ गतेसम्म कायम शेयरधनीमात्र साधारण सभामा भाग लिन र लाभांश पाउन योग्य छन् ।
सिन्धु विकास बैंकले तेह्रौं वार्षिक साधारण सभा होटल सारथी धुलिखेल काभ्रेपलाञ्चोकमा बिहान ९ बजे शुरु हुने जानकारी दिएको हो ।

सभाले आव २०७८/७९ को वार्षिक प्रतिवेदन छलफल गरी पारित गर्नुका साथै आव २०७९/८० को लागि लेखापरिक्षकको नियुक्ती र निजको पारिश्रमिक निर्धारण गर्ने प्रस्ताव पनि पारित गर्नेछ ।

त्यस्तै सभाले यस बैंक र अनय कुनै उपयुक्त बैंक तथा वित्तीय संस्था एक आपसमा गाभ्ने गाभिने वा प्राप्ती प्रयोजनको लागि सम्पूर्ण प्रक्रिया पुरा गर्न सञ्चालक समितिलाई अख्तियारी प्रदान गर्ने विशेष प्रस्ताव पनि पारित गर्नेछ ।कम्पनीले साधारण सभा प्रयोजनको लागि माघ १६ गते बुक क्लोज गरिसकेको छ । यस बुक क्लोजको आधारमा माघ १५ गते सम्म कायम शेयरधनीले साधारण सभामा भाग लिन पाउनेछन् ।

Guheshowori Merchant Banking & Finance Ltd. (GMFIL)

Guheshowori Merchant Banking & Finance Ltd. (GMFIL)