.jpg)
काठमाडौं । लक्ष्मी म्युचुअल फण्डअन्तर्गत सञ्चालित शुभ लक्ष्मी कोषले भदौ मसान्तको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार फण्डको न्याभ साउनको तुलनामा भदौमा घटेको छ ।
साउन मसान्तमा फण्डको न्याभ ९ रुपैयाँ ८९ पैसा रहेकोमा भदौ मसान्तमा घटेर ९ रुपैयाँ ६९ पैसामा झरेको हो । त्यस्तै यस फण्डको नोक्सानी साउनको तुलनामा भदौमा बढेको छ । साउन मसान्तमा फण्ड रू. ५२ लाख ३५ हजार नोक्सानीमा रहेकोमा भदौ मसान्तमा बढेर रू. १ करोडभन्दा बढी पुगेको छ ।
भदौमा फण्डको खर्चमा वृद्धि भएकाले नोक्सानी बढेको हो । साउन मसान्तसम्ममा फण्डको जम्मा खर्च रू.४ लाख ७० हजार रहेकोमा भदौ मसान्तमा बढेर रू. ९ लाखभन्दा बढी पुगेको छ ।
फण्डको जम्मा आम्दानी ऋणात्मक भएकाले पनि नोक्सानी बढेको हो । भदौ मसान्तसम्ममा मात्रै फण्डको आम्दानी रू. १ करोडभन्दा बढी ऋणात्मक छ । यो आम्दानी साउन मसान्तमा भने रू. ४७ लाख ६४ हजार थियो ।
फण्डले भदौ मसान्तसम्ममा सूचीकृत शेयरमा रू. १९ करोड २५ लाख भन्दा बढी लगानी गरेको छ ।
