काठमाडौं । दोस्रो संस्करणको महालक्ष्मी विकास बैंक बिजचित्र फोटोग्राफी प्रतियोगिताको पुरस्कार वितरण कार्यक्रम बिहीवार (आज) सम्पन्न भएको छ । 

महालक्ष्मी विकास बैंकले विश्व फोटोग्राफी दिवसको अवसरमा गत अगस्ट १९ मा प्रतियोगिता आयोजना गरेको थियो । 

काठमाडौंको दरबारमार्गमा आयोजित एक कार्यक्रमबीच प्रतियोतिगामा प्रथम, द्वितिय, तृतीय स्थान तथा पब्लिक च्वाइस अवार्ड हासिल गर्ने फोटोग्राफरहरूलाई पुरस्कार वितरण गरिएको छ । 

प्रतियोगितामा सुवास श्रेष्ठ प्रथम, शौरभ बज्राचार्य दोस्रो र पारस राज बर्जाचार्य तेस्रो भएका छन् । उनीहरूले क्रमशः २० हजार, १५ हजार र १० हजार रुपैयाँको नगद पुरस्कारसँगै प्रमाणपत्र पाएका छन् । 

पब्लिक च्वाइस अवार्ड भने घनश्याम श्रेष्ठले जितेका छन् । सबैभन्दा बढी भोट प्राप्त गरी उक्त अवार्ड जितेका उनले ५ हजार रुपैयाँसहित प्रमाणपत्र पाएका छन् । कार्यक्रममा उत्कृष्ट १५ फोटोग्राफरहरूलाई प्रमाणपत्र प्रदान गरिएको थियो । 

प्रतियोगिताको ३ सदस्यीय निर्णायक समितिले विजेताको चयन गरेको हो ।