काठमाडौं । नेपाल स्टक एक्सचेन्ज (नेप्से)मा आइतवार दुई कम्पनीको कुल ५६ लाख २९ हजार ६७२ दशमलव १०४ कित्ता शेयर सूचीकृत भएको छ ।

डिप्रोक्स लघुवित्तको १६ लाख २० हजार ८८७ दशमलव १३३६ कित्ता र हिमालयन डिष्टीलरीको ४० लाख ८ हजार ७८४ दशमलव ९७ कित्ता गरेर कुल ५६ लाख २९ हजार ६७२ दशमलव १०४ कित्ता बोनस शेयर सूचीकृत भएको हो । यो बोनस शेयर सम्बन्धित शेयरधनीको हितग्राही खातामा आएपछि कारोबार गर्न पाइने छ । 

डिप्रोक्स लघुवित्तले ९ दशमलव ५० प्रतिशत बोनस शेयर सूचीकृत गराएको हो । उक्त बोनस शेयर पुस २६ गते सम्पन्न वार्षिक साधारण सभाबाट पारित भएको थियो ।  सो सभाले शून्य दशमलव ५० प्रतिशत नगद लाभांश कर प्रयोजनको लागि वितरण गर्ने प्रस्ताव पारित गरेको थियो । 

त्यस्तै हिमालयन डिष्टीलरीले १५ प्रतिशत बोनस शेयर सूचीकृत गराएको हो । उक्त बोनस शेयर पुस २८ गते सम्पन्न वार्षिक साधारण सभाबाट पारित भएको थियो । सो सभाले ५ प्रतिशत नगद लाभांश कर सहित वितरण गर्ने प्रस्ताव पारित गरेको थियो ।