काठमाडौं। एनआईसी एशिया लघुवित्त वित्तीय संस्था लिमिटेडले बिहीवार गण्डकी प्रदेशअन्तर्गतका २७ शाखा कार्यालयको अर्धवार्षिक समीक्षा सम्पन्न गरेको छ । कार्यक्रममा शाखामा देखिएका समस्या, चुनौती तथा समाधानका उपायका साथै चालू तेस्रो त्रैमासको रणनीतिबारे छलफल भएको थियो । संस्था सञ्चालक समितिका अध्यक्ष सुवर्ण ढकालले कर्मचारीले सकारात्मक सोचले संस्थाले लिएको लक्ष्यलाई जिम्मेवारीपूर्ण ढंगले पूरा गर्न प्रेरित गरे । कार्यक्रममा संस्थाका प्रमुख कार्यकारी अधिकृत लक्ष्मण चालिसे, गण्डकी प्रदेशका ओभरसाइट अफिसर अनितजंग पाण्डे, संस्थाका गण्डकी प्रदेशका प्रदेश प्रमुख, उपप्रमुख तथा सपोर्ट अफिसर लगायत शाखा प्रबन्धकहरूकोे उपस्थिति थियो ।