टोकियो । जापानको स्वास्थ्य, श्रम र कल्याण मन्त्रालयले एक सय भन्दा बढी कर्मचारीहरू भएका कम्पनीहरूलाई व्यवस्थापन पदहरूमा महिलाहरूको अनुपात खुलाउन आवश्यक पर्ने विचार गरिरहेको जनाइएको छ । 

राष्ट्रिय प्रसारक एनएचकेका अनुसार यस कदमको उद्देश्य व्यवस्थापकीय भूमिकामा महिलाहरूको सक्रिय नियुक्तिलाई बढावा दिन र सम्भावित रोजगारदाताहरूको मूल्याङ्कन गर्दा जागिर खोज्नेहरूलाई सान्दर्भिक जानकारी प्रदान गर्नु हो ।

मन्त्रालयले गत वर्ष गरेको सर्वेक्षणअनुसार शाखा प्रमुख र माथिको तहमा व्यवस्थापकीय भूमिकामा महिलाको सहभागिता १२.७ प्रतिशत मात्रै रहेको थियो, जुन अन्तर्राष्ट्रिय मापदण्डभन्दा निकै कम हो । तलब असमानता सम्बन्धी पारदर्शिता सुनिश्चित गर्न मध्यम आकारका कम्पनीहरूलाई लैंगिक तलब अन्तर खुलाउन बाध्य पार्ने पनि मन्त्रालयको योजना छ । 

मन्त्रालयले वर्षको अन्त्यसम्ममा यी उपायहरूलाई अन्तिम रूप दिने र औपचारिक रूपमा कार्यान्वयन गर्ने लक्ष्य राखेको छ ।रासस/सिन्ह्वा