काठमाडौं । लिवर्टी ईनर्जी कम्पनीले ५० प्रतिशत हकप्रद शेयर विक्री गर्न नेपाल धितोपत्र बोर्डबाट अनुमति पाएको छ ।

कम्पनीले असोज २३ गते १ बराबर शून्य दशमलव ५ को अनुपातमा ७५ करोड रुपैयाँ बराबरको हकप्रद शेयर विक्री गर्न बोर्डको अनुमति पाएको हो । यस आधारमा कम्पनीले प्रतिशेयर १०० रुपैयाँ अंकित मूल्यका ७५ लाख कित्ता हकप्रद शेयर विक्री गर्न बाटो खुलेको छ ।

हाल कम्पनीको चुक्तापूँजी १ अर्ब ५० करोड रुपैयाँ छ । ५० प्रतिशत हकप्रद शेयर विक्री तथा बाँडफाँटपछि कम्पनीको चुक्तापूँजी २ अर्ब २५ करोड रुपैयाँ कायम हुनेछ । कम्पनीको हकप्रद शेयर विक्री प्रबन्धकमा प्रभु क्यापिटल लिमिटेड रहेको छ ।