काठमाडौं । लक्ष्मी म्युचुअल फण्डअन्तर्गत सञ्चालित तीन ओटै फण्डले पुस मसान्तको खुद सम्पत्ति मूल्य विवरण सार्वजनिक गरेका छन् । शुभ लक्ष्मी कोष, लक्ष्मी उन्नति कोष र लक्ष्मी इक्वीटी फण्डले पुस मसान्तको खुद सम्पत्ति मूल्य विवरण सार्वजनिक गरेका हुन् ।

उक्त वित्तीय विवरण अनुसार यी तीन ओटै फण्डको सूचीकृत शेयरमा लगानी बढेको छ । लक्ष्मी इक्विटी फण्डले मंसिर मसान्तसम्ममा सूचीकृत शेयरमा रू. ७० करोड ५० लाख लगानी गरेकोमा पुस मसान्तमा भने बढेर रू. ८३ करोड १३ लाख पुगेको छ ।

त्यस्तै लक्ष्मी उन्नति कोषले पुस मसान्तसम्ममा सूचीकृत शेयरमा रू. ३८ करोड ५१ लाख लगानी गरेको छ । यो लगानी मंसिर मसान्तसम्ममा रू. ३१ करोड ५१ लाख थियो ।

शुभ लक्ष्मी कोषले मंसिर मसान्तसम्ममा सूचीकृत शेयरमा रू. ४ करोड २५ लाख लगानी गरेकोमा पुस मसान्तमा बढेर रू. ११ करोड ६७ लाख पुगेको छ । 

यी तीन ओटै फण्डको न्याभ पनि बढेको छ । लक्ष्मी इक्विटी फण्डको न्याभ मंसिर मसान्तमा रू. ९ दशमलव ४२ रहेकोमा पुस मसान्तमा बढेर रू. १० दशमलव ४५ पुगेको हो । यो फण्ड पुस मसान्तसम्ममा रू. १४ करोड ८६ लाख नोक्सानीमा छ । मंसिर मसान्तसम्ममा पनि फण्ड रू. २७ करोड ८१ लाख नोक्सानीमा थियो ।  

लक्ष्मी उन्नति कोषको न्याभ मंसिर मसान्तसम्ममा रू. ९ दशमलव ७१ रहेकोमा पुस मसान्तमा बढेर रू. १० दशमलव ६३ पुगेको छ । त्यस्तै यो फण्डले पुस मसान्तसम्ममा रू. ४ करोड ५५ लाख नोक्सानी व्यहोरेको छ । मंसिर मसान्तसम्ममा पनि फण्ड रू. १० करोड ६० लाख नोक्सानीमा थियो । 

शुभ लक्ष्मी कोषको न्याभ मंसिर मसान्तसम्ममा रू. ९ दशमलव ९५ रहेकोमा पुस मसान्तमा बढेर रू. १० दशमलव २७ पुगेको छ । त्यस्तै यो फण्डले पुस मसान्तसम्ममा रू. ७३ लाख १७ हजार नाफा कमाएको छ । यस फण्डले मंसिर मसान्तसम्ममा रू. १२ लाख ३२ हजार नोक्सानीमा थियो ।