काठमाडौं । सिद्धार्थ म्युचुअल फण्डअन्तर्गत सञ्चालित सिद्धार्थ इक्वीटी फण्डले मङ्सिर मसान्तको खुद सम्पत्ति मूल्य विवरण सार्वजनिक गरेको छ । उक्त वित्तीय विवरण अनुसार फण्डको न्याभ कात्तिक मसान्तको तुलनामा मङ्सिर मसान्तमा बढेको छ ।
कात्तिक मसान्तमा फण्डको न्याभ ९ रुपैपाँ १६ पैसा रहेकोमा मङ्सिर मसान्तमा बढेर ९ रुपैयाँ ६८ पैसा पुगेको हो । त्यस्तै यस फण्ड मङ्सिर मसान्तमा रू. ५ करोड ३६ लाख नोक्सानीमा रहेको छ । कात्तिक मसान्तमा पनि फण्ड रू. १३ करोड ७ लाख नोक्सानीमा थियो ।
यस आधारमा फण्डको नोक्सानी कात्तिकको तुलनामा मङ्सिरमा केही घटेको छ ।
मङ्सिर मसान्तमा फण्डले सूचीकृत शेयरमा रू. १ अर्ब ९ करोडभन्दा बढी लगानी गरेको छ । सो अवधिमा फण्डको बैंक मुद्धति निक्षेपमा रू. ९ करोड छ ।
