काठमाडौं । पिपुल्स हाइड्रोपावर लिमिटेडको आईपीओ  डिम्याट खातामा आएको छ ।

सम्बन्धित शेयरधनीको डिम्याट खातामा पीएचसीएलको सिम्बोलबाट देखिएको छ । अब आवश्यक प्रक्रिया पूरा भएपछि धितोपत्रको दोस्रो बजार नेपाल स्टक एक्सेचन्जमा कारोबारमा आउनेछ ।  कम्पनीले  पहिलो कारोबारको लागि रू. १०० देखि ३०० ओपन रेञ्ज पाउने देखिएको छ ।

कम्पनीको आर्थिक वर्ष २०७७/ ०७८ को वास्तविक प्रतिशेयर नेटवर्थ रू. १०० रहेकोले उक्त रेञ्ज पाउने देखिएको हो । नेपाल स्टक एक्सचेन्ज (नेप्से) ले कम्पनीको पहिलो कारोबारको लागि नेटवर्थको तीन गुणासम्म मूल्य रेञ्ज तोक्ने गर्दछ । सोही कारण उक्त मूल्य रेञ्ज पाउने देखिएको हो ।

कम्पनीको आईपीओ मङ्सिर ७ गते बाँडफाँट भएको थियो । कम्पनीको शेयर किन्न आवेदन दिएका १२ लाख ३० हजार ६०५ जनामध्येबाट गोलाप्रथाद्वारा ५ लाख १५ हजार ७८८ जनाले १०/ १० कित्ताका दरले शेयर पाएका थिए ।